Qendra e gravitetit të Sistemit Diellor është identifikuar me një saktësi prej 100 metrash, si kurrë më parë. Nuk është saktësisht në mes të Diellit, por pak jashtë sipërfaqes së tij, për shkak të tërheqjes gravitacionale që planetëve të ndryshëm që ushtrojnë në yllin tonë, duke ndryshuar paksa pozicionin e tij, sipas studimit të botuar në revistën ”Astrophysical Journal” nga astronomët e Universitetit Amerikan të Vanderbilt.

Për të arritur këtë matje, studiuesit përdorën programe speciale, të përdorura në studimin e pulsarëve, yje që rrotullohen shumë shpejt, duke lëshuar rrezatim në intervale të rregullta, siç janë farat e dritës kozmike, transmeton ANSA.

"Nuk ishte e lehtë të përcaktosh saktësisht qendrën e gravitetit, për shkak të efekteve të shumta gravitacionale të përfshira, për shkak të trupave të ndryshëm qiellorë të Sistemit Diellor, duke filluar me Jupiterin gjigant", shpjeguan autorët e studimit.

Kjo risi, thonë  ekspertët, mund të jetë e dobishme në studimin e valëve gravitacionale, e cila kërkon njohuri për pozicionin e Tokës në lidhje me qendrën e gravitetit të sistemit diellor./Motilokal.com