Kompania më e madhe në botë për prodhimin e naftës, ARAMCO nga Arabia Saudite, është bashkuar në një aleancë të kompanive të naftës për të vendosur objektivin e parë në mbarë industrinë për të ndihmuar në zgjidhjen e krizës klimatike duke vendosur qëllimet e emetimeve të karbonit.

Gjiganti shtetëror i naftës në Arabinë Saudite ka pranuar të zvogëlojë intensitetin e karbonit në biznesin e tij si pjesë e Nismës për Klimën e Naftës dhe Gazit (OGCI) e cila përfshin Shell, BP dhe ExxonMobil.

Aleanca është zotuar se do të zvogëlojë intensitetin e prodhimit të karbonit dhe karburanteve fosile në mes 20 dhe 21 kg dioksid karboni për fuçi të papërpunuar deri në vitin 2025, ose 13% nën nivelin e vitit 2017.

Për të përmbushur këtë kompania e naftës ka në shënjestër që të zvogëlojë emetimet e metanit që rrjedh nga prodhimet e naftës dhe gazit dhe të investojnë në teknologjinë duke përdorur energji të rinovueshme.

Në një deklaratë të përbashkët, drejtuesit kryesorë të kompanive anëtare të OGCI thanë: "Së bashku ne po rrisim shkallën dhe ndikimin e veprimeve tona për të adresuar ndryshimin e klimës, pasi bota synon që emetimet e karbonit të jenë."

Mark Campanale, themeluesi dhe drejtori ekzekutiv i Carbon Tracker, tha: "Ne mirëpresim përpjekjet për të zvogëluar emetimet, për shembull flakërimin dhe rrjedhjen e metanit”.

Një kompani duhet të zvogëlojë emetimet e saj bazë, por nuk e përmbush sasinë e naftës që mund të prodhohet, kështu që një kompani do të mund të rrisë kontributin e saj në krizën e klimës edhe kur përmbush një qëllim në intensitetin e karbonit.

Campanale i bëri thirrje OGCI të ndërmarrë hapa serioz dhe të fillojë diskutimin me urgjencë që kërkon kriza e klimës./Motilokal.com