Kina po përgatitet të nisë misionin e saj të parë në Mars dhe ka përgatitur raketën e transportuesit Long Mars-5 në qendrën e lansimit, transmeton Anadolu Agency (AA).
Sipas njoftimit të Administratës Kombëtare Kineze të Hapësirës misioni i parë kinez i eksplorimit në Mars, Tianwen-1, ka për qëllim "të kompletojë orbitën, zbarkimin dhe udhëtimin në një mision si dhe mbledhjen e të dhënave gjatë eksplorimit shkencor në Mars.
Raketa e katërt Long Mars-5 u transportua sot e shtrirë në Qendrën e Lansimit Hapësinor Wenchang në provincën Hainan në jug të Kinës.
Raketa transportuese Long March-5 është mjeti më i madh i lansimit të Kinës dhe është hera e parë që raketa do të vihet në "përdorim praktik" ndërsa pritet të dërgojë sondën e Marsit në orbitën e transferimit Tokë-Mars.
U deshën rreth dy orë për të transportuar vertikalisht raketën e madhe në zonën e lëshimit. Ekzaminime dhe teste përfundimtare do të kryhen në raketë para hedhjes.
Më parë, raketa ishte testuar tri herë. Misioni në Mars pritet të nisë në fund të korrikut ose në fillim të gushtit./Motilokal.com