Azia e Jugut po lufton me reshjet e mëdha të shiut, që kanë goditur rajonin me javë të tëra, duke shkaktuar përmbytje, duke mbytur më shumë se 250 njerëz deri më tani.

Të paktën 81 njerëz kanë vdekur në Bangladesh nga përmbytjet, ku pothuajse një e treta e vendit të varfër është nën ujë.

Që nga fillimi i sezonit të shirave në Nepal, muajin e kaluar, rrëshqitjet e tokës, përmbytja dhe rrufetë kanë vrarë të paktën 131 njerëz dhe janë zhdukur 48 të tjerë si pasojë e reshjeve të vazhdueshme që nga e diela.

Në shtetin verior-lindor të Asamit në Indi, numri i të vdekurve që nga fillimi i korrikut ka kaluar 60, me afro tre milion njerëz të zhvendosur.

Në shtetin Bihar të Indisë, të paktën nëntë lumenj kanë dalë nga shtrati, ndërsa në Nepal u ngritën përtej niveleve të rrezikut të tyre dhe përmbytën shumë fshatra.

Zyrtarët e Bangladeshit kanë paralajmëruar për një katastrofë të madhe.

"Përmbytja ka vazhduar për të paktën 20 ditë", tha zv.drejtori i Qendrës së Parashikimit dhe Paralajmërimit të Përmbytjeve në Bangladesh, Udoy Raihan, për agjencinë e lajmeve AFP, duke shtuar se përmbytjet zakonisht zgjati dy javë.

"Dhe ka të ngjarë [të] vazhdojë edhe për 10 ditë të tjera për shkak të shirave të dendur në Bangladesh dhe Indi."

Të  reshurat vjetore janë kritike për rimbushjen e furnizimin me ujë, por gjithashtu po bën kërdi në një pjesë të madhe të Azisë së Jugut, duke shkaktuar vdekje dhe dëme të përhapura.

Përmbytjet, rrëshqitjet e dheut dhe goditjet e rrufesë midis qershorit dhe shtatorit vrasin qindra njerëz çdo vit në rajonin me popullsi të dendur./Motilokal.com

Tregtarët duke kaluar nëpër një rrugë të mbytur nga uji në Dhaka. Gati një e treta e Bangladeshit tashmë është përmbytur, me parashikime për përmbytje më të mëdha në ditët e ardhshme. MUNIR UZ ZAMAN / AFP

Gati tre milion njerëz janë prekur në Bangladesh, duke përfshirë më shumë se një milion të cilët mbeten të izoluar dhe të rrethuar nga ujërat. MOHAMMAD PONIR HOSSAIN / REUTERS

Zyrtarët paralajmëruan se përmbytja do të vazhdojë në Bangladesh për 10 ditët e ardhshme. "Hera e fundit që kemi parë një përmbytje të tillë ishte në vitin 1998. Ne nuk kemi parë përmbytje kaq të rrezikshme që nga ajo kohë", i tha AFP Sheikh Moslem, 66 vjeç. MOHAMMAD PONIR HOSSAIN / REUTERS

Njerëzit Nepalezë në brigjet e lumit Bagmati të përmbytur në Kathmandu. Të paktën 84 njerëz kanë vdekur në Himayalan ndërsa shumë rrëshqitje e tokës shkatërruan rrethet e saj kodrinore ndërsa reshjet e vazhdueshme përmbytën pjesë të fushave jugore. NIRANJAN SHRESTHA / FOTO AP

Të ulur jashtë shtëpisë së tyre të përmbytur pas shirave të mëdha në Kathmandu. 'Përpjekjet për shpëtim dhe ndihmë po vazhdojnë dhe ne jemi në gatishmëri për zonat në rrezik', tha shefi i Qendrës Kombëtare të Operacionit të Urgjencës Mural Wasti. NIRANJAN SHRESTHA / FOTO AP

Banorët përdorin kova për të larguar ujin që rrjedh në shtëpinë e tyre pasi lumi Bagmati në Nepal shpërtheu brigjet e tij. Qeveria ka lëshuar një paralajmërim të ri për rritjen e niveleve të lumenjve për tre ditët e ardhshme. PRAKASH MATHEMA / AFP

Një vajzë e re ecën nën një ombrellë ndërsa reshjet e mëdha përmbytin Bhaktapur të Nepalit. IFRC tha se përmbytja dhe rrëshqitjet e dheut tashmë kanë vrarë pothuajse 110 njerëz në vend. NARENDRA SHRESTHA / EPA

Fëmijët ecin nëpër bagëti në një argjinaturë në një zonë të përmbytur në rrethin Morigaon, në shtetin verior-lindor të Asamit. DAVID TALUKDAR / REUTERS

Një njeri me varkën e tij pranë shtëpive të përmbytura në rrethin Morigaon të Asamit. Sipas njoftimeve të medieve të huaja, shteti Asamit vazhdon të luftojë me përmbytjet që kanë lënë më shumë se tre milion njerëz të zhvendosur dhe të paktën 60 të vdekur. EPA

Fshatarët të ulur nën një strehë të përkohshme gjatë reshjeve në një zonë të prekur nga përmbytja në rrethin Morigaon të Asamit. EPA

Një djalë duke udhëtuar në një zone të përmbytur në Asam, Indi. Shumë fshatarë, shtëpitë e të cilëve nuk ishin përmbytur plotësisht thanë se preferuan të qëndronin me gjërat e tyre përkundër kushteve të vështira. DAVID TALUKDAR / REUTERS