Brigjet e Karolinës së Veriut, janë goditur këtë të martë nga Uragani Isaias, me erëra deri në 140 kilometra në orë, ka njoftuar Qendra Kombëtare për Uragane.
Fuqia e këtij uragani kishte rënë në stuhi tropikale pas goditjes së ishujve në Karaibe, mirëpo të hënën është rikategorizuar si uragan i shkallës së parë.
Si pasojë e motit të ligë dy persona kanë humbur jetën në Karaibe. Isaias është stuhia e nëntë e madhe e këtij viti.
Qendra Kombëtare për Uragane ka paralajmëruar se Isaias do të shkaktojë shira të rrëmbyeshëm dhe vërshime në të dyja Karolinat, ndërkohë që bartet në gjirin lindor të Shteteve të Bashkuara.
Qendra paralajmëroi gjithashtu për tornado të mundshme në Karolinën e Veriut të hënën natën dhe të martën dhe në Virxhinian lindore.
Fuqia e tij pritet të dobësohet, ndonëse edhe qyteti i Nju Jorkut është duke u përgatitur për stuhi të mundshme atje më vonë./Motilokal.com