Ishulli i Mauritiusit në Oqeanin Indian ka shpallur gjendje emergjente mjedisore pasi një anije në pronësi Japoneze ka ngecur në rërë dhe ka filluar të derdhet naftë, duke ndezur frikën mes aktivistëve për një katastrofë ambientale.

Kryeministri Pravind Jugnauth njoftoi se imazhet satelitore treguan një përhapje të madhe të derdhjes së naftës pranë zonave mjedisore që qeveria e quajti "shumë të ndjeshme".

Sipas njoftimeve anija mbante 200 ton naftë dhe 3800 ton karburant në depozita. Incidenti ka ndodhur në Pointe d’Esny, që përfshihet në listën e vendeve të rëndësishme të konventës Ramsar dhe afër parkut Marin Blue Bay.

Sistemet anti ndotje janë dërguar në të dyja sajtet- thanë autoritetet duke sqaruar se kanë kërkuar edhe asistencë nga vende të tjera.

Jugnauth tha që qeveria e tij po i bënte thirrje Francës për ndihmë, duke thënë se derdhja "paraqet një rrezik" për vendin e rreth 1.3 milion njerëzve që mbështetet shumë në turizëm dhe është goditur shumë nga efektet e pandemisë koronavirusit.

Ambientalistët kanë  frikë se anija mund të thyhet në mes e kjo do të mund të shkaktonte një rrjedhje akoma më të madhe karburanti dhe do të shkaktonte dëme katastrofike në brigjet e ishullit./Motilokal.com