Përmbytjet e mëdha që kanë goditur Korenë e Jugut, kanë lënë të paktën 30 njerëz të vdekur pas 40 ditë rresht me reshje shiu.
Gati 5,000 njerëz janë evakuuar sipas të dhënave të Ministrisë së Brendshme dhe Sigurisë ndërkohë që dhjetë persona raportohen të zhdukur.
Përmbytjet e shkaktuara nga shirat intensivë, kanë dëmtuar të paktën 6.162 ndërtesa në mbarë vendin kryesisht në kryeqytetin Seul dhe të paktën 2.500 njerëz kanë mbetur të pastrehë.
Dymbëdhjetë fluturime lokale u anuluan në aeroportin rajonal Gwangju pasi pista u përmbyt, sipas agjencisë së lajmeve Yonhap.
Meteorologu Woo Jin-kyu tha se në disa pjesë të vendit ka rënë rreth katër herë më shumë shi reshje sesa mesatarja e regjistruar gjatë 30 viteve të fundit.
Pamjet tregojnë njerëz të bllokuar mbi makinat e tyre dhe madje edhe lopët duke tentuar të shpëtojnë nga vërshimet./motilokal.com