Një akullnajë në alpet zvicerane është zhdukur si pasojë e ngrohjes globale, ku rreth 250 persona morën pjesë në funeralin simbolik të akullnajës Pizol.
Dhjetëra njerëz të veshur me të zeza morën pjesë në një marsh funeral për të shënuar zhdukjen e akullnajës Pizol, duke shpresuar se politikanët do të ndërmarrin veprime konkrete kundër ndryshimeve klimatike në samitin që ka nisur tashmë në Nju Jork.
Shkencëtarët thonë se akullnaja ka humbur të paktën 80 për qind të vëllimit të saj pikërisht që nga viti 2006, për shkak të rritjes së temperaturave globale.
“Ne kemi ardhur këtu për ti thënë lamtumirë Pizolit”, tha kërkuesi zviceran Mathias Huss.
Ndërsa vajtuesit u mblodhën në Alpet Zvicerane, aktivistë të rinj dhe liderë botërorë janë në New York për të diskutuar veprimin e ndryshimit të klimës në Kombet e Bashkuara.
Pavarësisht nga veprimet që do të ndërmarrin njerëzit tani, sipas studiuesve zviceranë deri në vitin 2050, të paktën gjysma e akullnajave të Zvicrës mund të zhduken.
Dhe Pizol, mund të mos jetë akullnaja e parë që zhduket në Zvicër, por mund të thuhet se është e para që është zhdukur nën sytë e shkencëtarëve.”
Një ceremoni e ngjashme u mbajt në Islandë muajin e kaluar për të përkujtuar Okjokull, një akullnajë 700-vjeçare e shpallur e humbur në 2014-ën si pasojë e ndryshimeve klimatike. /Motilokal.com