Këto fotografi të pabesueshme tregojnë dy bretkosa mashkull, rivalë në dashuri që luftojnë në një përpjekje të dëshpëruar për të fituar femrën e çiftimit.
Spektakli i rrallë erdhi mes bretkosave afrikane “dem” (bullfrog) të cilat mund të arrijnë deri në 25 centimetra gjatësi, transmeton The Sun.
Një mashkull dominues u fotografua me këmbët në ajër ndërsa kapte mashkullin tjetër nga qafa.
Dashnorët e zellshëm madje tërhiqen nga këmbët në përpjekjet e tyre për triumf.
Në një tjetër imazh një prej meshkujve duket se kafshon këmbën e rivalit, teksa bretkosa më e dobët tenton të largohet drejt bregut të ujit për të shpëtuar.
Fotografi Temujin Johnson, kapi pamjet e rralla rreth 50 kilometra në veri të Polokwane, Afrika e Jugut.
Vetëm disa metra larg Temujin, një grup prej dhjetë brekosa demesh Afrikan ishin grumbulluar për të krijuar një bashkësi çiftimi.
Ai shpjegoi: "Ky spektakël ndodh vetëm një herë në vit nëse reshjet e shiut janë mjaft të mëdha.
"Duhet të formohen pellgje me të paktën gjashtëdhjetë deri në njëqind milimetra ujë në mënyrë që të nxirren demat e vegjël.
"Meshkujt dominues filluan luftimet për të vendosur kontroll mbi qendrën e pellgut.
Pasi vendoset se cili është qendra e grupit, meshkujt nisin thirrjet e tyre të çiftimit, në formën e një gërgëllime të thellë që zgjat disa sekonda.
Fotografi shtoi: "Ndonjëherë, meshkujt më të rinj, të cilët përgjojnë skajet e pellgut, arrijnë të shkojnë të parët te femrat dhe ngjiten në shpinë.
Pak pas kësaj meshkujt dominantë vijnë për t’ua marë atë.
Bretkosat-dem të Afrikës janë speciet më të mëdha të bretkosave. Ato mund të lëshojnë deri në 4000 vezë dhe nganjëherë meshkujt hanë pasardhësit e tyre.
Gjatë sezonit të thatë, demat afrikanë do të hibernizojnë duke krijuar një fshikëze nga mukusi i tyre. Kur në sezonin e shirave guaska e mukusit zbutet, ato rizgjohen. Lufta për çiftim mund të zgjasë vetëm dy ditë në vit.
Fotografi thotë se qëndroi larg grupit të bretkosave për të mos i shqetësuar.
“Por pas disa orësh ato ishin rehatuar me prezencën tonë dhe ne mund të merrnim pamjet që donim. Kur përfunduan shirat bretkosat u larguan duke nisur përsëri jetën solitare”, tha ai./Motilokal.com