Moti i ligë ka përfshirë pothuajse të gjithë vendin. Disa qytet janë përmbytur nga reshjet e mëdha të shiut, ndërsa në Bashkinë e Konispolit ka rënë breshër me madhësinë e një topi ping-pongu.

Breshëri ka dëmtuar mandarinat dhe pemët e tjera të fermerëve në Konispol, duke sjellë një dëm ekonomik për banorët e zonës, pikërisht në kohën kur po niste vjelja e këtyre pemëve. Kryetari i bashkisë, Shuaip Beqiri thotë se si pasojë e breshrit, janë dëmtuar shumë pemë frutore.

Ai ka thënë se gjatë verifikimit në terren nga grupet e punës vërehet se 30 për qind e prodhimit në agrume, mandarina e portokaj janë dëmtuar, ndërkohë që dëmtimi tek ullinjtë është edhe më i madh./Motilokal.com