Një ish-marinës i SEAL ka ndarë disa këshilla të rëndësishme nëse ndonjëherë gjendeni të bllokuar në një makinë “jeni në panik se nuk keni oksigjen”. Një nga udhëzimet themelore për t’i mbijetuar një katastrofe në makinën tuaj është ruajtja e qetësisë. Por sigurisht që janë edhe disa gjëra të tjera që duhet t’i dini, pasi ju ofrojnë mundësinë për t’i mbijetuar më të keqes.

“Bright Side” shkruan se kushdo që përdor një makinë, si shofer ose si pasagjer, duhet të dijë këto 7 gjëra për të shpëtuar në rast aksidenti.

1. Një tel i energjisë elektrike bie në makinë

Ky aksident ndodh zakonisht në mes të një stuhie të rëndë. Gomat e makinës shërbejnë si izolim, kështu që nëse qëndroni në makinë do të jeni të sigurt. Qëndroni të qetë dhe telefononi për ndihmë.

Çfarë të bëjmë:

Nëse ka zjarr ose një dëmtim të rëndë dhe duhet të largoheni nga makina, hapni derën, por mos e prekni makinën, sepse mund të ketë rrymë elektrike që kalon në të.

Nëse keni një tapet gome tek këmbët, të cilat janë prej gome në shumicën e rasteve, vendoseni jashtë në atë largësi që mendoni se mund të kërceni larg makinës.

Hiqni çdo veshje të gjatë që keni para se të hidheni. Asgjë nuk duhet të prekë tokën dhe makinën në të njëjtën kohë ose do të merrni goditje elektrike.

Kur të jeni gati, bëni kërcimin me të dyja këmbët afër njëra tjetrës dhe uluni në tapet. 

2. Një ortek

Në rast se jeni duke vozitur automjetin dhe bie një ortek, pjesa më kërcënuese nuk është ftohja dhe bora, por monoksidi i karbonit, i cili mund të futet në makinë nga një gyp i bllokuar dhe do të shkaktojë asfiksim.

Çfarë duhet të bëni:

Para së gjithash, fik motorin për të shmangur një incident me monoksid karbonit.

Nëse makina juaj është e mbuluar, mos u përpiqni të hapni dyer ose dritare. Bora do të mbushë makinën dhe nuk do të jeni në gjendje ta nxirrni.

Në vend të kësaj, qëndroni aty ku jeni dhe përpiquni të ngrohni. Afrojeni këmbët afër gjoksit dhe përdorni çdo gjë që mund të keni aty për të veshur. Makina do të qëndrojë e ngrohtë për një kohë pasi që bora vepron si izolues.

Më e rëndësishmja, menaxhoni frymëmarrjen tuaj. Ju keni oksigjen vetëm për disa orë, prandaj mos e humbni duke ndezur një zjarr ose një cigare.

Bjerini borisë vazhdimisht për tu vërejtur nga të tjerët.

3. Një tornado

Një makinë nuk është vendi më i mirë për të qenë kur një tornado godet. Ju duhet të dilni dhe të vraponi sa më shpejt të jetë e mundur për të gjetur një strehë. Por mund të mos ketë asgjë përreth.

Çfarë duhet të bëni:

Largohuni nga shtegu i tornados. Shkoni ose 90 gradë majtas ose djathtas. Ju gjithmonë duhet të jeni në gjendje të shihni tornadon në pasqyrën e pasme.

Nëse është tepër vonë për këtë, ulni dritaret për të shmangur thyerjen e xhamave dhe uluni sa më shumë që të jetë e mundur.

4. Një uragan

Edhe ky është një skenar i vështirë. Në kontrast me takimin me një tornado, nëse kapeni nga një uragan duhet të qëndroni në makinë për siguri, por mos ngecni në trafik përreth automjeteve të tjera.

Çfarë duhet të bëni:

Përpiquni të gjeni dalje alternative.

Largohuni nga uragani menjëherë, por jo shpejt, sepse shpejtësia mund të bëjë që të humbni kontrollin e automjetit.

Kurrë mos udhëtoni nëpër ujë. Gjithmonë kërkoni trotuarin si masë sigurie. Nëse nuk mund ta shihni, atëherë nuk është e sigurt të kaloni me makinë.

5. Një tërmet

Nëse jeni në një makinë dhe ndodh një tërmet, ju ndoshta jeni të sigurt.

Çfarë duhet të bëni:

Gjëja e parë që duhet të bëni është të qëndroni larg ndërtesave të larta dhe pemëve të mëdha për të shmangur mundësinë e shembjes së tyre mbi ju.

Nëse e gjeni veten në një garazh parkimi, dilni nga automjeti dhe shtrihuni midis dy makinave për të gjetur sigurinë.

6. Një vjedhje makinash

Gjëja më e rëndësishme është të shmangni makinën në radhë të parë. Gjithmonë mbani dyert dhe dritaret të mbyllura dhe kur të parkoni midis makinave, lini një hapësirë ??në pjesën e pasme dhe në pjesën e përparme, në mënyrë që nëse dikush përpiqet të futet, ju mund të bëni një manovër të shpejtë dhe të largoheni.

Çfarë të bëjmë:

Një taktikë e njohur quhet “përplasu dhe kërce”, kur dikush përplas makinën tuaj dhe pret që ju të dilni, në mënyrë që  të marrin makinën tuaj. Nëse kjo ndodh, mos dilni nga makina dhe udhëtoni në drejtim të kundërt.

Nëse hajduti është brenda në makinë dhe ju detyron ta ngisni, shkoni në një stacion policie ose në një vend të mbushur me njerëz.

Një gjë tjetër që mund të bësh është t’i thuash personit që ka një pajisje gjurmimi në makinë, të cilën nuk mund ta çaktivizosh vetë.

Nëse nuk mund të bëni ndonjë nga këto, ngisni automjetin pa kujdes: Shpejtoni, fikni dritat dhe ndizini, ose ndërroni korsi në mënyrë të çrregullt.

7. Të qenit i mbyllur në bagazh

Nëse dikush ju fut me forcë dhe ju mbyll në bagazhin e makinës, ekziston edhe një mënyrë për t’u vërejtur.

Çfarë të bëjmë:

Mundohuni të shkëputni dritat e frenave. Ju ndoshta do të vëreheni nga shoferët prapa jush ose të shpresojmë që shoferi të jetë një oficer policie.

Modelet e fundit kanë kordonë shpëtimi në bagazh. Nëse e dini se ku ndodhet e juaja, mund të dilni.

Nëse nuk mund të bëni ndonjë nga këto, gjeni një krik ose ndonjë pajisje tjetër dhe kur makina të ndalojë dhe hajduti të hapë bagazhin, sulmojini ata që të shpëtoni./Motilokal.com