Organizata e Vendeve Eksportuese të Naftës (OPEC) ka parashikuar se nafta do të vazhdojë të jetë burimi kryesor i energjisë në botë, pavarësisht kërkesës në rritje për burime të rinovueshme, sipas parashikimit të saj vjetor të tregut, i botuar sot.

Sipas OPEC kërkesa për energji të rinovueshme parashikohet të rritet më shpejt se për çdo burim tjetër, me një normë vjetore prej 6,6 %.

Sekretari i Përgjithshëm i OPEC-ut, Mohammad Barkindo, në një prezantimin e raportit tha se sektori i naftës është dhe do të mbetet themeli për plotësimin e nevojave globale të energjisë.

Ai theksoi se rritja e kërkesës për naftë do të drejtohet kryesisht nga ekonomitë në zhvillim dhe ato fillestare, si edhe nga industritë petrokimike dhe të transportit.

Karteli pret që furnizimet e naftës nga 13 anëtarët e OPEC-ut të rriten nga një e treta e përzierjes globale të energjisë në 2019 në 40 % në 25 vitet e ardhshme, ndërsa furnizimet nga vendet jo-OPEC parashikohet të bien.

Ndërsa raporti i OPEC pranoi pasigurinë në lidhje me kohëzgjatjen e pandemisë dhe vështirësinë në vlerësimin e ndikimit të saj afatgjatë në kërkesën për naftë, ai nxori në pah rritjen e popullsisë  dhe shtrirjen e klasave të mesme në vendet në zhvillim që do të rrisin më tej etjen për energji.

Çmimet e ulëta të naftës dhe një rënie në investime mund të rindezin rritjen e kërkesës si në të kaluarën, shtoi OPEC.

OPEC është më pak optimist se sa organet e tjera të energjisë në lidhje me adoptimin e automjeteve elektrike.

"Nafta do të jetë e nevojshme për vitet që vijnë, dhe edhe nëse kërkohet një plan afatgjatë, ai do të mbetet një element kryesor i energjisë", tha OPEC në raport./Motilokal.com