Për të fotografuar një nga krijesat më të rralla në Tokë duhet të jesh tepër i aftë dhe jashtëzakonisht me fat.
Por Sergey Gorshkov është qartësisht të dyja gjërat – siç demonstrohet nga fotografia e tij mahnitëse e një tigri siberian, ose Amur, thellë në pyjet e Lindjes së Largët të Rusisë.
Imazhi sapo ka fituar çmimin si fotoja më e mirë nga bota e egër.
Tigri femër shihet duke përqafuar një pemë, duke u fërkuar me lëvoren për të lënë aromën e saj dhe për të shënuar territorin në Tokën e Parkut Kombëtar Leopard.
Gorshkov zbuloi se iu deshën 11 muaj për ta realizuar fotografinë duke përdorur kamera të fshehta në pjesën e thellë aziatike të Rusisë, i vetmi vend në botë ku jeton tigri amur, ose i quajtur ndryshe tigri siberian.
Por nuk është vetëm kjo foto e vlerësuar, pasi Muzeu i Historisë së Natyrës në Londër ka vlerësuar disa poza të ndryshme që kanë kapur më së miri botën e kafshëve të egra.
Në garë ishin 100 fotografi të realizuara në të gjithë botën të cilat do të ekspozohen në ambientet e muzeut para se të nisen për një tur në Britaninë e Madhe dhe në të gjithë botën./Motilokal.com