Miliona bletë kanë vdekur si pasojë e thatësirës të shkaktuar nga ngrohja globale në Mersin të Turqisë jugore, e cila shkaktoi një ulje rreth 70 deri në 80 për qind të prodhimit të mjaltit në krahinë, tha kryetari i shoqatës së bletarëve.

Temperatura e larta që mbretëruan kanë ndikuar negativisht në bletarinë në Mersin këtë vit. Thatësira shkaktoi jo vetëm vdekjen e shumë bletëve, por gjithashtu u bë arsyeja kryesore për një rënien e numrit të bimëve nga të cilat bletët mund të marrin ushqim për të prodhuar mjaltë.

Adem Kurt, kreu i Shoqatës së Bletarëve të Mersinit, i tha Agjencisë së Lajmeve Demirören (DHA) se do të ketë një rritje të mundshme 7 deri në 8 për qind të çmimeve të mjaltit për shkak të uljes së rendimentit.

“Ne, si bletërritës në rajonin e Toros, jemi prekur negativisht nga ngrohja globale. Deri më tani kemi një humbje prej rreth 80 për qind”, tha ai.

Ai vuri në dukje se pothuajse gjysma e koshereve të bletëve ishin humbur për shkak të problemeve të lidhura me ngrohjen globale.

“Ushqyesi kryesor i bletës është mjalti. Meqenëse ka një rënie në procesin e prodhimit natyror, ne kemi përjetuar humbje serioze në numrin e kolonive”, shtoi Kurt.

Ai gjithashtu u bëri thirrje zyrtarëve të rregullojnë aktivitetet bujqësore si spërkatjet me pesticide në rajon për të parandaluar dëmtimin e mundshëm të kolonive të bletëve./Motilokal.com