Një fotograf ka kapur imazhe të pabesueshme të një balene ‘sperme’ të stërmadhe, që ushqen të voglin e saj nën ujë.
Mike Korostelev nga Moska, ishte në Oqeanin Indian kur kapi takimin special me balenat, shkruan Daily Mail.
Fotot e tij tregojnë nënën balenë që injekton qumësht në ujë për këlyshin e saj, ndërsa më pas ato shihen të dyja që rrahin bishtin e tyre dhe largohen.
Mike thotë: “Ishte një nder i madh për mua të isha aq afër në atë moment privat të jetës së balenave”.
Balenat e spermës i kanë thithat të kthyera nga brenda trupit dhe kur këlyshi i tyre është gati për t’u ushqyer ai zhytet poshtë nënës së tij dhe e shtyn te gjëndrat e qumështit.
Kur nis stimulimi, nëna nxjerr thithat e saj dhe qumështi lëshohet në ujë teksa këlyshi e pi atë duke e filtruar nga uji.
Hulumtimet tregojnë se balenat e spermës ushqehen në këtë mënyrë pasi goja e tyre nuk është e përshtatur për thithje. Femrat e balenave të spermës dhe të voglit e tyre qëndrojnë në tufa prej rreth 20 anëtarësh./Motilokal.com
