Kompania e raketave të Elon Musk SpaceX nisi me sukses të dielën katër astronautë drejt Stacionit Hapësinor Ndërkombëtar, misioni i parë i plotë i NASA-s që dërgon një ekuipazh në orbitë brenda një anije kozmike private.
Kapsula e re e dizajnuar e SpaceX “Crew Dragon”, e instaluar në majë të raketës Falcon-9, u nis në orën 19:27 sipas orës lokale nga Qendra Hapësinore Kennedy e NASA-s në Cape Canaveral të Floridës.
Udhëtimi prej 27 orësh për në stacionin hapësinor, 400 km mbi Tokë, ishte planifikuar fillimisht për të shtunën.
Një rrjedhje e ajrit shkaktoi një rënie të papritur të presionit të kapsulës më pak se dy orë para nisjes, thanë zyrtarët e NASA-s. Por teknikët thanë se ata kryen një kontroll të suksesshëm të rrjedhjeve dhe nisja e planifikuar ishte akoma në vazhdim.
Zyrtarët e NASA-s thanë se moti i keq do ta kishte vështirësuar rikthimin e raketës Falcon-9 në tokë për t’u ripërdorur.
NASA po e quan fluturimin e tanishëm si misioni i saj i parë “operacional” me një raketë dhe sistem për të cilët u deshën 10 vjet të ndërtoheshin.
Një fluturim provë i Crew Dragon në muajin gusht, me vetëm dy astronautë për në stacionin e hapësirës, shënoi për NASA-n misionin e parë hapësinor me njerëz të nisur nga territori amerikan pas një pauze prej 9 vjetësh.
Zëvendëspresidentit i SHBA-ve Mike Pence mori pjesë në nisjen e raketës së Space X dhe tha paraprakisht se nën Presidentin Donald Trump, Amerika kishte "ripërtërirë angazhimin tonë për të udhëhequr në eksplorimin e hapësirës njerëzore".
Presidenti i zgjedhur Joe Biden shkroi në Twitter urimet e tij, duke thënë se nisja ishte "një dëshmi e fuqisë së shkencës"./Motilokal.com
