Venecia është përmbytur edhe një herë nga reshjet e mëdha të shiut, ndërsa zyrtarët paralajmërojnë për një 'situatë të tmerrshme' një vit pasi qyteti pësoi një miliard paund dëme gjatë baticave.
Moti i ligë me reshje të mëdha shiu dhe erëra të forta bëri që batica në Venecia të ngrihej në një lartësi prej 122 centimetra këtë mëngjes.
Sistemi Mose duhet të aktivizohet vetëm për parashikim rreth 130 cm, por pasi batica e së martës u rrit në 138 cm krahasuar me një parashikim rreth 122 cm ajo u ngrit gjithsesi.
Sistemi i 78 portave të përmbytjes, i njohur si Mose, mbron hyrjen në lagunën Veneciane dhe janë krijuar për të mbrojtur qytetin nga baticat deri në 3 metra. Sidoqoftë, ato kërkojnë paralajmërim prej 48 orësh për t'u aktivizuar.
Të martën qyteti përfundoi nën ujë për shkak të parashikimeve ndoshta tepër optimiste mbi intensitetin e baticës, por mbi të gjitha për shkak të pasigurive të shkaktuara nga paparashikueshmëria e erërave, dhe kryetari i bashkisë vendosi të kërkojë ngritjen e Mose./Motilokal.com