
Agjencia Evropiane e Barnave (EMA) ka bërë të ditur se ka në plan të mbajë një takim për të diskutuar autorizimin e vaksinës Pfizer-BioNTech për Bashkimin Europian (BE) më herët sesa ishte planifikuar, më 21 dhjetor..
Shefja e Komisionit Evropian Ursula von der Leyen e mirëpriti njoftimin, duke thënë se nënkuptohet se vaksinimet ka të ngjarë të fillojnë para fundit të vitit.
Nëse miratohet, vendet e BE do të jenë në gjendje të fillojnë vaksinimet menjëherë pas miratimit zyrtar nga Komisioni i BE, zakonisht kjo është formalitet nëse EMA lëshon rekomandim pozitiv.
"Duket se europianët e parë do të vaksinohen para fundit të vitit 2020", shtoi ajo.
Njoftimi i agjencisë EMA vjen pasi ministri gjerman i Shëndetësisë, Jens Spahn, tha se ata presin miratimin për vaksinën COVID-19 para Krishtlindjeve.
BE ka arritur marrëveshje për të blerë rreth 2 miliardë doza të vaksinës me gjashtë kompani që deri më tani kanë kryer hulumtime "premtuese" të vaksinave, përfshirë 300 miliona doza të kompanive Pfizer dhe BioNTech.
Blloku evropian po ashtu nënshkroi kontrata me kompanitë Moderna, AstraZeneca, CureVac, Johnson & Johnson dhe Sanofi-GlaxoSmithKline.
EMA është një agjenci e BE-së që autorizon përdorimin e ilaçeve në të gjithë vendet anëtare./Motilokal.com