Qeveria franceze ka vendosur që të japë një kontribut të rëndësishëm në blerjen e automjeteve të rënda me energji elektrike ose me hidrogjen në mënyrë që të inkurajojë zhvillimin me emisione zero për transportimin e mallrave ose njerëzve.
Bonusi i përfshirë në programin France Relance parashikon që blerja ose marrja me qira afatgjatë e një kamioni mund të mbështetet me një bonus prej 50 mijë euro dhe për 30 mijë euro.
Dispozita parashikon një kohëzgjatje prej 2 vjetësh për këtë operacion për të mbështetur rinovimin e flotës së transportit me një tavan prej 100 milion eurosh.
Ky bonus i ri mund të kombinohet me super amortizimin e parashikuar për automjete të rënda që përdorin energji të pastër, për të cilat një kamion i rëndë elektrik ose me hidrogjen mund të përfitojë nga ndihma shtetërore franceze prej 100 mijë euro.
Duhet të theksohet se, ndryshe nga bonusi prej 50 mijë eurosh, super amortizimi është i zbatueshëm edhe për automjetet që mundësohen nga metani ose biokarburantet, dhe përfshin automjete e transportit me peshë 2.5 ton e lart./Motilokal.com
