Sonte në mbrëmje do të mund ta shihni një fenomen hapësinor me dy planetët Jupiteri dhe Saturni, ku do të jetë e dukshme nga të gjitha pjesët e Tokës për herë të parë që nga shekulli i 17-të. Ky fenomen njihet si "Ylli i Betlehemit" ose "Ylli i Krishtlindjes".

Të dy planetët e gaztë janë duke u afruar gradualisht që prej fillimit të verës dhe pritet që natën e sotme të shfaqen thuajse si një planet i dyfishtë.

Ky fenomen, i njohur si bashkimi, mund të shihet në çdo vend të globit, por në Britani mendohet se do të jetë pak më i qartë.

Kjo do të jetë hera e parë që prej 4 marsit të viti 1226, që dy planetët më të mëdha të sistemit tonë diellor  do të jenë kaq afër njëri-tjetrit.

“Si Jupiteri, ashtu edhe Saturni janë shfaqur qartë në qiell përgjatë pjesës më të madhe të vitit, dhe super afrimin e tyre e presim që sonte”, tha NASA, duke shtuar. “Sigurohuni që ta shikoni, sepse është diçka vërtet e rrallë”.

Nëse e lejon moti, të dy planetët do të shfaqen si yll i vetëm me sy të lirë, pak mbi horizontin kur shikojmë në jugperëndim, pak pas perëndimit të diellit.

Vendi më i mirë për të dëshmuar spektaklin është larg çdo ndotjeje të dritës, me fotografë profesionistë që këshillojnë vëzhguesit të presin të paktën 45 minuta për të lejuar që sytë e tyre të përshtaten me errësirën.

Planetët do të bashkohen përsëri në 2080, që do të thotë se ky mund të jetë shansi i fundit për shumë njerëz për të parë një lidhje të tillë gjatë jetës së tyre./Motilokal.com