NASA ka publikuar një seri imazhesh tronditëse satelitore, që tregojnë ndikimin shkatërrues të ndryshimit të klimës dhe mënyrën se si po transformon planetin tonë.
Të quajtura imazhet e ndryshimit, seria e fotografive të marra nga hapësira tregojnë një kombinim të ndryshimit të klimës, urbanizimit, përmbytjeve dhe zjarreve, transmeton Daily Mail.
Kjo përfshin tkurrje e sipërfaqeve akullnajore në Zelandën e Re, borën në shkretëtirën e Saharasë, shkrirjen e akullit në Kanada dhe zvogëlimin e udhëtimeve në Wuhan, Kinë për shkak të kufizimeve të koronavirusit.
I përbërë nga më shumë se 500 imazhe, duke përfshirë para dhe pas shkrepjeve të bëra me javë e me dekada, koleksioni tregon realitetin e ndryshimit të klimës në Tokë.
Imazhet e akullit të detit Arktik të kapur në vitin 1984 dhe 2020 tregojnë ndryshimin e dukshëm në shtrirjen e rajonit të ngrirë - duke treguar se sa shumë është shkrirë akulli në 36 vjet.
"Me shpejtësinë që ne po vërejmë këtë rënie, ka shumë të ngjarë që akulli i detit në Arktik të zhduket plotësisht brenda këtij shekulli", tha shkencëtari i NASA-s Joey Comiso./Motilokal.com