Viti 2020 u regjistrua si viti më i ngrohtë në Evropë, sipas shërbimit të Bashkimit Evropian për monitorimin e klimës Kopernikus (C3S).

Duke parë trendin e qëndrueshëm gjatë dekadës së kaluar, Shërbimi i Ndryshimit të Klimës Kopernikus (C3S) tha se 2020-ta ishte viti i gjashtë në serinë e viteve jashtëzakonisht të ngrohta duke filluar nga viti 2015.

Evropa regjistroi vitin e saj më të ngrohtë, 0,4 grad Celcius më të ngrohtë se viti 2019, i cili më parë ishte viti më i ngrohtë, shtoi ai në një deklaratë me shkrim.

Ndërkohë, Kopernikus raportoi një rritje të përqendrimeve të dioksidit të karbonit në atmosferë me një normë prej afërsisht 2,3 ppm në vit më 2020, duke arritur një maksimum prej 413 ppm gjatë majit të vitit 2020.

Ndërsa drejtori i Kopernikus, Carlo Buontempo në një deklaratë tha: “Nuk është për t’u habitur që dekada e fundit ishte më e ngrohta e regjistruar dhe është një tjetër kujtesë për urgjencën e reduktimeve ambicioze të emetimeve për të parandaluar ndikimet e pafavorshme të klimës në të ardhmen”./Motilokal.com