Astronomët kanë zbuluar një planet unik, që është po aq i madh sa Jupiteri, por 10 herë më i lehtë.

Planeti, i quajtur WASP-107b, besohet të jetë një nga ekzoplanetët më pak të dendur të zbuluar ndonjëherë, duke i dhënë pseudonimin ‘planet pambuku’.

Studiuesit thonë se gjetjet kanë një rëndësie të madhe për atë që ne kuptojmë për mënyrën se si formohen dhe rriten planetët gjigantë.

Ky planet është rreth 212 vite dritë larg Tokës, në konstelacionin e Virgjëreshës. Sipas studiuesve, ai është rreth 16 herë më afër me yllin e tij, WASP-107, se sa Toka me Diellin.

Kjo dendësi jashtëzakonisht e ulët tregon se planeti duhet të ketë një bërthamë të fortë jo më shumë se katër herë në masën e Tokës, sipas studiuesve.

Kjo sugjeron që më shumë se 85 për qind e masës së saj shtrihet në shtresën e trashë të gazit që rrethon bërthamën e saj.

Shumica e planetëve gjigantë të gazit, të tillë si Jupiteri dhe Saturni, kanë një bërthamë të fortë të paktën 10 herë më masive se Toka./Motilokal.com