Një stuhi e madhe e borës ka goditur Japoninë veriore. Për pasojë ngricat kanë shkaktuar një aksident masiv në një autostradë.

Një person ka humbur jetën dhe të paktën 17 kanë mbetur të lënduar në një përplasje masive të të paktën 134 automjeteve.

Rreth 200 njerëz ishin bllokuar në aksident, i cili detyroi mbylljen e autostradës Tohoku Express në prefekturën Miyagi, tha Agjencia e Menaxhimit të Zjarrit dhe Fatkeqësive.

Japonia është goditur nga stuhitë e mëdha të borës javët e fundit me disa pjesë të vendit duke shënuar dyfishin e reshjeve të pritshme të borës.

Imazhet nga autostrada tregojnë grumbullin masiv të automjeteve. Sipas mediave lokale, rajoni pritet të regjistrojë deri në 40 centimetra borë në 24 orët e ardhshme.

Muajin e kaluar, bora e madhe la më shumë se 1000 automjete të bllokuara në autostradën Kanetsu për dy ditë./Motilokal.com