Rreth 2000 shtëpi janë evakuuar në zonën e Manchesterit gjatë natës së kaluar për shkak të stuhisë Christoph, e cila shkaktoi përmbytje në pjesë të ndryshme të vendit. Mediat britanike raportojnë se bora e madhe goditi të gjithë rajonin.

Sipas njoftimeve bëhet e ditur se zonat më të prekura nga rreziku janë East Didsbury, West Didsbury, Heatley dhe Northenden, si dhe disa zona të Ruthin dhe Bangor në Dee në Uellsin Verior dhe qyteti Maghull në qarkun e Merseyside.

Policia u tha njerëzve të shkonin në një shkollë lokale dhe të prisnin për automjete emergjente 4×4 sesa të përpiqeshin të largoheshin vetë.

Më shumë se 200 paralajmërime për përmbytjen janë në fuqi, kryesisht nëpër Midlands dhe Veri, si dhe 230 alarme.

Po ashtu paralajmërimet mbeten fuqi deri të enjten në mëngjes për stuhinë, e cila gjithashtu kërcënon të sjellë deri në 11.8 inç (30 cm) dëborë në zonat veriore.

Në Great Manchester, policia dhe zjarrfikësit po ndihmonin në evakuimin e shtëpive, ndërsa ndihmësi i shefit të policisë, Nick Bailey, paralajmëroi që një pellg përmbytjesh në Didsbury do të “tejkalonte në orët e ardhshme”.

Kryeministri Boris Johnson nxiti popullsinë e prekur nga moti i keq të ndiqte udhëzimet e autoriteteve dhe të linin shtëpitë e tyre./Motilokal.com