Stuhia dimërore Orlena po lëviz drejt veri-lindjes së SHBA-së, përfshirë Nju Jorkun, pas Uashingtonit të mbuluar nga bora.

Më shumë se 100 milionë njerëz nga Midwest në Verilindje kanë marrë paralajmërime për motin dimëror.

Nga e diela në mbrëmje, stuhia e fuqishme ka sjellë reshje të mëdha bore deri në 8 inç në pjesë të Çikagos dhe tre deri në pesë inç në Ohio qendrore. Si rezultat i stuhisë qindra përplasje makinash janë raportuar dhe mijëra fluturime janë anuluar në New York City.

Stuhia tani ka arritur në Bregun Lindor ku do të sjellë dëborë të madhe, erëra të forta dhe temperatura ekstrem të ftohta në Boston dhe Filadelfia.

Po ashtu shërbimet e motit kanë lëshuar paralajmërime për stuhinë nga shteti i Virxhinias në Maine, vendbanim për dhjetëra miliona njerëz dhe njofton se trashësia e borës do të jetë 45 deri në 60 centimetra në New York-un jugor, verilindje të New Jersey-it dhe pjesë të Connecticut.

Guvernatori i New Jersey, Philip Murphy shpalli një gjendje të jashtëzakonshme para se të vinte stuhia, duke lejuar autoritetet të mbyllnin rrugët, të evakuoheshin dhe të përdornin pajisjet e nevojshme për të mbrojtur publikun.

Sipas shërbimeve të meteorologjisë, stuhia goditi Kaliforninë javën e kaluar, me borë dhe shi të madh.

Stuhia do të vazhdojë në rajon gjatë javës, e ndjekur nga “një përzierje e akullit dhe shiut të akullt”./Motilokal.com