Ditëve të fundit mbarë vendi është përfshirë nga reshje të shiut e vërshime. Si pasojë e tyre, shumë qytetarë kanë mbetur për ditë të tëra pa ujë të pijshëm, meqë cilësia e tij kishte rënë.

Duke pasur parasysh këtë IKSHPK ka sforcuar monitorim e cilësisë së ujit të pijshëm, gjatë kësaj periudhe.

Bazuar në rezultatet nga matjet e kryera deri tani cilësia e ujit të pijshëm është brenda standardeve të parapara me UA 16/2012, cilësia e ujit për konsum, njofton IKSHPK-ja.

“Vlera e shtuar e turbullirës ndikon në procesin e ngadalësimit të trajtimit të ujit dhe rrjedhimisht zvogëlimin e kapacitetit prodhues (zvogëlim i sasisë së ujit të përpunuar), andaj kompanitë për arsye të pamundësisë së prodhimit me kapacitet të plotë janë të detyruar të aplikojnë restrikcione me orar të caktuar. Në këtë situatë qytetarët, duke dashur që të kenë furnizim 24-orë me ujë detyrohen të gjejnë alternativa për furnizim nga burimet e tjera të ujit”, thuhet në njoftimin e tyre.

IKSHPK thekson se bunarët-puset janë të pa mbrojtura, të pa menaxhuara dhe me rrezik të lart për kontaminim./Motilokal.com