Instituti i Gjeoshkencave, Energjisë, Ujit dhe Mjedisit (IGJEUM) ka njoftuar se nivelet dhe prurjet e ujit në Liqenin e Shkodrës dhe Lumit Buna do të vazhdojnë të jenë të larta dhe të qëndrueshme deri në datën 7 shkurt 2021.
“Si pasojë e reshjeve intensive dhe shkrirjes së dëborës, nga data 8 deri 12 shkurt 2021, pritet rritje e prurjeve, e niveleve dhe e rrezikut të përmbytjeve, në zonën e NënShkodrës edhe zonave afër Liqenit të Shkodrës”, thuhet në njoftim.
Më tej IGJEUM thekson se në lumenjtë e tjerë në gjithë territorin, pritet gjithashtu rritje e prurjeve.
“Sot dhe nesër nuk priten reshje në të gjithë territorin”, bën të ditur IGJEUM./Motilokal.com