Një skiator profesionist filmoi një moment të tmerrshëm kur ai dhe 5 persona të tjerë u goditën nga një ortek gjigant në malet e Uinta në Utah të shtunën.

Miles Penrose, dy nga vëllezërit e tij dhe disa miq po bënin ski me motorë bore në një zonë kur nisën të ndienin një tronditje të fuqishme që ngjante me një tërmet.

"Ndërsa u ktheva dhe ngrita sytë, unë mund të shihja valën e borës që po vinte", shkroi ai në faqen e tij të mediave sociale.

'Vëllai im u kthye prapa dhe unë bërtita "ortek" sa më shumë që të mundesha.'

Një anëtar i grupit arriti të kapte të gjithë ngjarjen me celularin e tij.

Por, orteku erdhi me shumë shpejtësi dhe disa prej tyre u mbuluan nga bora, duke përfshirë dhe vëllanë e vogël të Miles.

Fatmirësisht, ndërhyrja e shpejtë bëri që të gjashtit të shpëtojnë pa lëndime të mëdha, megjithatë duhet thënë që kaluan një ndër ditët më të vështira të jetës së tyre.

Në të njëjtën ditë, 300 kilometra më tej, katër persona humbën jetën si pasojë e një orteku në Salt Lake Valley./Motilokal.com