NASA ka premtuar një çmim prej 500,000 dollarë për ata që mund të shpikin ushqimin e së ardhmes, ushqime të destinuara për misionet e njeriut në "Mars dhe gjetkë" që janë të shëndetshëm dhe që mund të përdoren në rast të udhëtimeve ndëryjore shumë të gjata.

Nisur në mes të janarit në bashkëpunim me Agjencinë Kanadeze të Hapësirës dhe me rastin e njëqindvjetorit të NASA-s, “Sfida e Ushqimit Ndërhapësinor” do të përfundojë më 30 korrik.

Qëllimi për t'u arritur në vetëm 7 muaj është ambicioz.

Sipas faqes në internet të Agjencisë Hapësinore të SHBA-së, ky qëllim është krijimi i teknologjive të reja ose sistemeve të prodhimit të ushqimit, që kërkojnë burime minimale dhe prodhojnë mbetje minimale, ndërsa sigurojnë ushqim të sigurt, ushqyes dhe të shijshëm për misionet e kërkimit njerëzor që zgjasin në kohë.

“Nëse do të ishte e mundur të arrihej në një sistem të tillë do të ishte gjithashtu një hap i madh përpara për prodhimin e ushqimit në të gjithë botën, por mbi të gjitha në mjedise ekstreme, rajone me pak burime ose vende të shkatërruara nga katastrofat natyrore”, thotë NASA./ANSA/Motilolokal.com