Pjesë të një avioni Boeing u shkëputën prej tij dhe përfunduan në një zonë të banuar në afërsi të Denver, në Kolorado, SHBA.

Aeroplani Boeing 777-200, me 231 pasagjerë dhe 10 pjesëtarë të ekuipazhit në bord, po drejtohej për në Honolulu të shtunën kur pësoi një dështim të motorit menjëherë pas ngritjes, tha linja ajrore.

Nuk është raportuar për lëndime në aeroplan apo në tokë.

Një pamje e shkrepur nga brenda aeroplanit tregoi motorin ndezur, duke lëkundur krahun e avionit, mbulesa e tij mungonte tërësisht ndërsa avioni fluturonte mbi një peizazh të djerrë.

“Në një moment mendova se do të vdisnim sepse filluam të fundosemi menjëherë pas shpërthimit,” tha pasagjeri David Delucia për The Denver Post.

“Mora dorën e gruas time dhe thashë që mbaruam”, shtoi Delucia.

Vajza e tij postoi një video të rrëzimit, të regjistruar nga një tjetër pasagjer, në Twitter.

Ndërkohë, banorët e Broomfield, një periferi e Denverit, gjetën mbeturina të mëdha të shpërndara në të gjithë qytetin, duke përfshirë një copë të madhe metali rrethore që ra në oborrin e Kirby Clement.

“Dukej pak e frikshme”, tha Clement për CNN, duke shtuar se “një copë ra në kamionin e tij dhe pastaj në tokë”, dhe se “një pjesë e madhe e mbeturinave bëri një vrimë prej një metër e gjysmë te çatia e fqinjit”.

Administrata Federale e Aviacionit tha se agjencia dhe Bordi Kombëtar i Sigurisë së Transportit do të hetojnë incidentin./Motilokal.com