Alpinistja nga Kosova, Uta Ibrahimi, pas shumë përpjekjeve ka arritur të ngjitet me sukses në malin Annapurna në Himalaje.
Lajmin e ka dhënë Xhimi Begeja, trajneri i alpinistes përmes një postimi në Facbook ka shkruar: “E “mposhti” Annapurna-n (8091 metra lartësi) dhe kthehet krenare nga misioni i saj.”
“Nuk më takon mua për këtë lajm të bukur, por prindërve dhe familjes Ibrahimi, që kanë një Utë që bën krenar një Komb. Annapurna 8091m mposhtet. Në këto momente (Uta) është në majë dhe po zbret.”
Ai po ashtu ka shkruar se Anapurna 8091m, nga sot është edhe nën këmbët e Utës së Maleve, si e para alpiniste shqiptare që e mposht atë.
Natën e 15 prillit në orën 22:00 me orën tonë, një grup alpinistësh nga vende të ndryshme në një ekip internacional, nisën mes një moti tepër të vështirë dhe të fortë për të synuar ngjitjen e Annapurnës, i cili vlerësohet si mali me riskun më të lartë për humbjen e jetëve të alpinistëve për shkak të terrenit të vështirë.
Trajneri i saj ka njoftuar se Uta ka arritur të zbret me sukses në bazë./Motilokal.com