Këto shkrepje mahnitëse përbëjnë finalistët e konkurseve më prestigjioze të fotografisë në botë për vitin 2021, me disa prej tyre që tregojnë ndikimin që pandemia e koronavirusit ka pasur në planetin tonë.
Pas shpalljes së fituesve të Sony World Photografy, tashmë është radha e “World Press Photo of The Year”, çmimi që i jepet fotografive të shkrepura nga mediat ndërkombëtare.
Në një imazh, një grua 85-vjeçare përqafon infermieren e saj përmes çarçafëve plastikë për shkak të virusit vdekjeprurës që ka pushtuar botën.
Është fotografja daneze Mads Nissen që ka kapur në San Paolo të Brazilit përqafimin e një infermiere me një zonjë të moshuar, falë një perdeje plastike që mundëson shmangien e infektimit, në një vend thellësisht të tronditur nga më shumë se 360 mijë viktima nga COVID-19.
Çmime të tjera u ndanë për kategori specifike, si fotolajm, mjedis, sport dhe portret./Motilokal.com