Një plan i përgatitur nga Ministria e Brendshme e Turqisë në bashkëpunim me disa agjenci të interesuara, anijet e evakuimit do të qëndrojnë në det pranë Stambollit për të marrë viktimat e tërmetit nga provinca në rast të një tërmeti të madh të mundshëm në rajonin e Marmarasë.
Plani për Stambollin, një nga qytetet më të populluara të Turqisë me 16 milionë banorë, është përgatitur së bashku nga Ministria e Brendshme, Zyra e Guvernatorit të Stambollit, Presidenca e Menaxhimit të Fatkeqësive dhe Emergjencave (AFAD) dhe komanda e xhandarmërisë provinciale.
Plani propozon katër mënyra të evakuimit, duke përfshirë detin, ajrin, tokën dhe rrugët hekurudhore, në rast se një tërmet me madhësi 7.5 godet rajonin.
“Ka 23 qendra evakuimi në Stamboll. Së pari, ne do të mbledhim njerëz në këto qendra”, tha Metin Günal, koloneli i xhandarmërisë për transmetuesin kombëtar të TV TRT.
Plani prek rreth 18 qytete në rajonet perëndimore, lindore dhe jugore të Turqisë si "provinca mbështetëse".
"Si hapi i dytë, ne do të evakuojmë njerëzit nga Stambolli në këto "qytete mbështetëse" duke përdorur të gjitha mjetet e transportit", shtoi Günal.
Sipas planit, linja e parë e evakuimit është rruga detare për evakuimin e njerëzve nga rajonet e goditura nga tërmeti.
Zyrtarët kanë identifikuar gjashtë porte trageti, duke përfshirë Sirkeci, İstinye, Zeytinburnu, Yenikapı, Harem dhe Pendik, si "qendra të evakuimit në det." Njerëzit do të sillen në këto qendra dhe më pas do të transferohen në anijet që presin jashtë bregut për t'i evakuuar ato në mënyrë të sigurt.
Sipas raportit të TRT, stacionet e Yeşilköy, Halkalı dhe Tuzla do të jenë qendrat kryesore për "vijën e evakuimit hekurudhor".
Brenda qëllimit të planit, terminalet e autobusëve në Esenler, Alibeyköy, Samandıra dhe Harem janë zgjedhur si katër "daljet emergjente të rrugës tokësore".
Gjithashtu, tre aeroportet e qytetit, Stambolli, Atatürk dhe Sabiha Gökçen, do të përdoren si qendra evakuimi përmes ajrit.
Sipas planit, personave me aftësi të kufizuara dhe me të meta do t'u jepet përparësia kryesore në procesin e evakuimit, të ndjekur nga gratë, fëmijët dhe të moshuarit. "Provincat mbështetëse" që do të presin viktimat e tërmetit pas evakuimit janë vendosur në dy grupe.
Në grupin e parë, ka 11 qytete nga Turqia perëndimore, jugore dhe qendrore: Balıkesir, Eskişehir, Ankara, Manisa, İzmir, Afyonkarahisar, Konya, Antalya, Denizli, Samsun dhe Kayseri.
Grupi i dytë përfshin shtatë qytete që janë nga rajonet e lindjes dhe veriut të Turqisë: Adana, Gaziantep, Malatya, Trabzon, Diyarbakır, Erzurum dhe Erzincan./Motilokal.com
