Më shumë se 11 milionë fidane u mbollën gjatë fushatës "Frymë për të ardhmen" të organizuar nga Ministria e Bujqësisë dhe Pylltarisë.

Fushata masive e pyllëzimit të Turqisë filloi me shpalljen e 11 nëntorit si Ditë Kombëtare e Pyjeve që do të shënohet çdo vit.

Duke folur në këtë ngjarje pas mbjelljes së fidanit të parë, Presidenti Erdogan tha se ngjarja ishte duke u shikuar nga zyrtarë nga Guinness Records World dhe fushata do të jepte një shembull për botën.

Erdogan tha se ngjarja e mbjelljes së pemëve në masë do të përsëritet çdo vit në 11 nëntor, e cila u shpall si Dita Kombëtare e Pyllëzimit javën e kaluar. "Tani e tutje qytetarët tanë do të jenë në terren për të mbjellë fidanë në 11:11 çdo 11 nëntor", tha presidenti.

"Ne e rritëm sipërfaqen tonë të pyllëzuar nga 20.8 milionë hektarë në 22.6 milionë. Ne kështu ulëm masën e tokës së humbur në erozion nga 500 milionë ton në 154 milionë ton. Ne kemi mbjellë 14 milionë fidane me arra, bajame, ullinj, gështenjë dhe dafinë në përputhje me programin tonë '5,000 pyje për 5,000 fshatra'. Ne i ndihmuam njerëzit tanë të fitojnë më shumë nga tokat e tyre", theksoi ai.

Në provincën veriore të Turqisë, Çorum, një ekip vullnetarësh mbjellën fidanë për një orë për të thyer Rekordin Botëror të Guinness. Duke mbuluar 156 hektarë tokë, vullnetarët mbollën gjithsej 301,111 fidanë në një orë. Përpjekja u vëzhgua nga autoritetet qeveritare dhe zyrtarët nga Guinness World Records, të cilët do të njoftojnë rezultatet e përpjekjes në një datë të mëvonshme.

Rekordi aktual mbahet nga Indonezia me 232.647 fidane. India rekordin për shumicën e pemëve të mbjella brenda një dite, me më shumë se 220 milionë të mbjellë në shtetin e Uttar Pradesh në gusht. /Motilokal.com