Gati një muaj pasi ishim dëshmitarë të fenomenit të rrallë të një eklipsi hënor total së bashku me një “Hënë e Gjakut”, sateliti natyror i Tokës do të duket më i ndritshëm dhe më i madh se më parë në qiellin e natës të enjten. Ngjarja qiellore është domethënëse për dy arsye, së pari, është Hëna Luleshtrydhe dhe së dyti, një Super Hënë.
Hëna e Luleshtrydhe shënon Hënën e plotë të fundit të sezonit të pranverës dhe Hënën e parë të plotë të verës. Sezoni i verës filloi në hemisferën veriore me Solsticin e 21 Qershorit, i cili shënoi ditën më të gjatë të vitit.
Hëna do të duket më e madhe se në ditët e tjera pasi i afrohet tokës në orbitën e saj të sonte (enjte) dhe ka të ngjarë të jetë e dukshme për tre ditë rresht.
Hëna e plotë e muajit qershor e ka fituar këtë emër për shkak të faktit se ndodh në periudhën më të mirë të vitit për pjekjen e luleshtrydheve.
Fiset amerikane vendase i vendosën këtë emër për shkak të sezonit të luleshtrydheve. Ndërsa në Evropë quhet ndryshe Hëna e Trëndafilave, pikërisht sepse në këtë stinë çelin lulet.
Hëna e plotë e së enjtes do të jetë në kulmin e ndriçimit në orë 2:40, por spektakli hënor nuk do të jetë i dukshëm për disa orë, derisa hëna të ngrihet mbi horizontin në qiellin lindor. Hëna më pas do të shfaqet e plotë deri në fillim të së shtunës, sipas NASA-s./Motilokal.com