Pavarësisht rënies së temperaturave, janë ende të shumta vendet në Europë që po përballen me situata kritike për shkak të zjarreve. Në Francë erërat vijojnë të përhapin zjarret në Kot D’Azyr. Më shumë se një mijë zjarrfikës po punojnë prej ditësh.
Zjarri ka shkrumbuar më shumë se 3500 hektarë bimësi në kodrat e qytetit bregdetar Saint Tropez, duke shkaktuar dhe dy viktima.
Më shumë se 7 mijë banorë dhe qindra turistë në zonë u evakuuan. Zjarri u përhap nga erërat që arrinin një shpejtësi prej 80 kilometrash në orë dhe temperaturat e larta, të cilat shënuan rekorde të reja për vendin.
Presidenti francez Emanuel Makron u shpreh se orët e ardhshme janë vendimtare./Motilokal.com
