Mrena e Fanit apo Barbus rebeli, ky lloj, edhe pse i përhapur gjerësisht dhe lokalisht abundant, megjithatë është shumë i ndjeshëm ndaj ndryshimeve të habitatit, sidomos në përroska të vogla, të cilat mund të shteren gjatë verës. E arrin madhësinë deri në 25 cm (Kottelat and Freyhof 2007).

Lloji i habitatit: Vende ujore (kontinen [1] tale) (Lumenj, përrenj, përroska, të përhershme [përfshirë ujëvarat]. Këneta, moçale, moçalishte, liqene të përhershme të ujërave të ëmbla. Ky lloj mund të gjendet në lumenj, por edhe në liqene. I parapëlqen segmentet me ujë të pastër. Lloj endemik i Ballkanit. 

Ky lloj është akoma gjerësisht i përhapur në pellgut e Drinit të Bardhë. Po ashtu gjendet edhe në ujërat e pellgut të detit Adriatik, Ujërat e pellgut të detit të Zi, Ujërat e pellgut të detit Egje.

Trendi i popullatës: I qëndrueshëm Aty ku ndodhet, popullatat janë abundante, por të fragmentuara, sepse përdoret shumë edhe në peshkatari.

Ky lloj është vlerësuar në kategorinë: Gati i Kërcënuar, për shkak të rëndësisë dhe rrallësisë së llojit në nivel evropian, duke qenë lloj endemik i Ballkanit, si dhe faktorëve të cilët mund ta çojnë këtë lloj drejt zhdukjes në Kosovë siç janë peshkimi dhe përhapja e fragmentuar. Ky lloj është akoma gjerësisht i përhapur në pellgut e Drinit të Bardhë.

Lista e kërcënimeve: Zhvillimi rezidencial dhe komercial (Zonat rezidenciale dhe komerciale); Ndotja e ujërave të zeza shtëpiake dhe urbane, mbeturinat dhe mbetjet e ngurta; Ndryshimi i klimës dhe moti i ashpër, thatësirat. Faktorët kryesorë, që e rrezikojnë këtë, lloj kanë të bëjnë me ndikimin nga vend [1] banimet dhe mjediset urbane, ndotjen nga ujërat e zeza, ndotjen nga mbeturinat e ngurta dhe të tjera, si dhe me thatësirën.

Aktualisht, nuk ekziston ndonjë masë mbrojtëse.

Veprimet e nevojshme për konservim: Mbrojtja e tokës/ujit (Mbrojtja e lokalitetit/zonës); 5. Ligji dhe politikat (Politikat dhe rregulloret, pajtueshmëria dhe zbatimi i ligjit). Hulumtimi i nevojshëm: Hulumtimi (Madhësia, përhapja dhe trendet e popullatës, historia e jetës dhe ekologjia); Monitorimi (Trendet e popullatës, trendet e habitatit). Prania e këtij lloji është tregues i cilësisë së njëmendtë të habitatit dhe mbrojtja eventuale e llojit siguron efekt mbrojtës për lokalitetin ku gjendet dhe llojet e tjera prezente.

Fotot janë realizuar nga Valmir Gashi në fshatin Drenoc të Rahovecit./Motilokal.com