Një tërmet i fuqishëm me magnitudë 5.8 të shkallës Rihter ka goditur ishullin e Kretës, në Greqi, paraditen e sotme, rreth orës 09:17.
Autoritetet lokale raportojnë për të paktën një viktimë dhe disa banesa të dëmtuara, duke shkaktuar edhe kaos në qytetin Heraklikon, ku edhe goditja u ndje më e fortë nisur edhe nga fakti se epiqendra ishte me një thellësi vetëm 10 kilometra nën tokë.
Mbrojtja Civile ka aktivizuar me njëherë planin “Tërmeti” ndërsa një grup i ekipit të shpëtimit EMAK është nisur me një avion C130 bashkë me zyrtarë të qeverisë për të inspektuar gjendjen dhe për të dhënë ndihmën e parë në zonat e dëmtuara. Dëme materiale vazhdojnë të raportohen në disa fshatra të zonës afër epiqendrës së tërmetit.
Ndërkohë vazhdojnë të regjistrohen edhe lëkundje të tjera dy prej tyre me fuqi 3.7 dhe 4.5 shkalla Rihter./Motilokal.com