Blue Origin njoftoi planet për të ndërtuar stacionin e saj hapësinor privst. I quajtur Orbital Reef, stacioni hapësinor i ardhshëm do të fillojë të funksionojë në gjysmën e dytë të kësaj dekade. Do të ketë një hapësirë pothuajse sa Stacioni Ndërkombëtar i Hapësirës, megjithëse do të jetë në gjendje të strehojë deri në 10 persona, krahasuar me 6 nga ISS.

Blue Origin ka njoftuar Orbital Reef, një stacion hapësinor i sektorit privat që po zhvillohet me Sierra Space, një degë e kontraktorit të hapësirës ajrore Sierra Nevada Corporation. Burime shtesë për platformën, të planifikuara për t'u operuar deri në fund të dekadës, do të vijnë nga Boeing, Redwire Space dhe Genesis Engineering Solutions, shkruan Daily Mail.

Blue Origin po bashkëpunon me kompaninë e fluturimeve hapësinore Sierra Space. Kompania pretendon se Orbital Reef do të jetë një “park biznesi me përdorim të shumëfishtë” në hapësirë që do të ketë porte për të vizituar anijet kozmike dhe module, së bashku me shërbime dhe pajisje të ndryshme.

Blue Origin krenohet se stacioni hapësinor do të ketë një “arkitekturë të sistemit të hapur” që do të lejojë një sërë njerëzish dhe klientësh të përdorin objektin. Një listë e përdoruesve të mundshëm përfshijnë agjenci hapësinore, media dhe kompani udhëtimi, sipërmarrës dhe investitorë, kompani teknologjike dhe më shumë./Motilokal.com