Shumë qytete të Bosnjë dhe Hercegovinës, veçanërisht kryeqyteti Sarajevë, janë përballur me përmbytje si pasojë e reshjeve të dendura të shiut që kanë përfshirë vendin që prej orëve të natës.

Ndërsa shumë shtëpi dhe biznese u përmbytën në Sarajevë, reshjet shkaktuan edhe ngritjen e nivelit të lumit Miljacka, që përshkon qendrën e qytetit, raporton Anadolu.

Trafiku në kryeqytet është ndërprerë si pasojë e reshjeve të dendura të shiut, ndërsa përmbytje janë regjistruar në shumë qytete të pjesës jugore të vendit.

Autoriteti meteorologjik i vendit tha se reshjet e shiut do të vazhdojnë edhe gjatë ditës së sotme në mbarë vendin, kurse po ashtu është dhënë alarmi i kuq për rrezikun nga përmbytjet dhe rrëshqitjet e dheut./Motilokal.com