Pavarësisht rritjes së lehtë prej 2.2% të shitjeve të veturave në Evropë për periudhën janar-tetor, vetëm shifrat e tetorit shënuan rënie të madhe prej 30.3% kundrejt të njëjtit muaj të vitit të kaluar.

"Me 665,001 njësi të shitura në të gjithë rajonin, ky ishte rezultati më i dobët në terma vëllimi për muajin tetor që nga fillimi i regjistrimeve", tha Shoqata Evropiane e Prodhuesve të Automobilave (ACEA) në një deklaratë të enjten.

Mungesa globale e gjysmëpërçuesve që mbështeten në çipe ka ndikuar në industrinë automobilistike.

Në 10 muajt e parë, regjistrimet e veturave të reja arritën në rreth 8.2 milion njësi.

Në tetor, shumica e tregjeve të BE-së regjistruan rënie dyshifrore, duke përfshirë katër ekonomitë kryesore Italinë (-35,7%), Gjermaninë (-34,9%), Francën (-30,7%) dhe Spanjën (-20,5%).

Rëniet më të larta u regjistruan nga Lituania me 54.8%, Austria me 39.2% dhe Belgjika me 35.3%, ndërsa Irlanda (16.7%) dhe administrata greke qipriote e Qipros Jugore (5.2%) shënuan shifra pozitive.

Ndër shitjet e grupeve të prodhuesve në BE, rëniet më të mëdha u shënuan nga Volkswagen Group, i cili zotëron markat Volkswagen, Skoda, Audi, Seat, Porsche, Bentley, Lamborghini dhe Bugatti, dhe Daimler, që zotëron Mercedes dhe Smart, me 44% rënie dhe përkatësisht 34.2%.

Hyundai Group, pronar i markave Kia dhe Hyundai, rriti shitjet me 3.7% nga viti në vit në tetor.

BE-ja është tregu kryesor i eksportit të automobilave për Turqinë, ku operojnë prodhuesit kryesorë ndërkombëtarë të automjeteve Ford, Hyundai, Mercedes, Renault dhe Toyota./Motilokal.com