Fotot e reja mahnitëse ofrojnë pamjet më të thella deri më tani të sipërfaqes së thyer të hënës, duke zbuluar çdo të çarë në detaje të pabesueshme.
Fotografitë e zgjeruara tregojnë çdo mal, krater dhe shpellë në peizazhin hënor - duke e bërë hënën më të aksesueshme për syrin e njeriut se kurrë më parë.
Ato janë marrë nga fotografi Andrew McCarthy, i njohur më mirë për ndjekësit e tij në Instagram si @cosmic_background, i cili krijoi me kujdes efektin unik duke përdorur 200 mijë imazhe të veçanta, që si burim kanë kryesisht agjencinë amerikane NASA.
Duke përdorur teknologjinë 3D dhe evidentuar kontrastin midis majave dhe kratereve hënore, del një rezultat mbresëlënës, një foto me 200 megapiksel që tregon në detaj morfologjinë e satelitit.
“U lodha, por e bëra sepse doja që njerëzit të bëhen gjithmonë më të interesuar ndaj eksplorimit të kufijve hapësinorë dhe njerëzorë”, thotë McCarthy.
Gjithsesi, sipërmarrja e fotografit i dha atij famë, me profilin e tij në Instagram që ditë pas ditë ka shkuar deri në rreth 460 mijë ndjekës./Motilokal.com
