Tymi nga zjarret është i rrezikshëm për mushkëritë tuaja, por grimcat e vogla nga tymi mund të hyjnë gjithashtu në trurin tuaj dhe të shkaktojnë probleme neurologjike gjatë gjithë jetës, sipas një studim të ri.

Grimcat e tymit mund të shkaktojnë rrezik tek njerëzit, nga plakja e parakohshme dhe forma të ndryshme të demencës deri te depresioni dhe madje në aspektin psikik, thonë studiuesit.

Një ekip shkencëtarësh zbuluan se minjtë e ekspozuar ndaj ajrit të ndotur me tym për gati tre javë në kushte të monitoruara nga afër treguan ndryshime të lidhura me moshën në indet e tyre të trurit.

Mikroplastika dhe grimcat metalike të hekurit, aluminit dhe magnezit në tymin e zjarrit ndonjëherë udhëtojnë mijëra kilometra. Ndërsa tymi ngrihet më lart në atmosferë, grimcat më të rënda bien, tha Matthew Campen.

"Janë vetëm këto grimca vërtet të vogla ultra të imta që udhëtojnë më mijëra kilometra deri në vendin ku jemi. Ato janë më të rrezikshme sepse grimcat e vogla futen më thellë në mushkëri dhe mushkëria juaj e ka më të vështirë t'i heqë ato", u shpreh Campen.

Grimcat vendosen në indin e mushkërive, duke shkaktuar lëshimin e molekulave imune inflamatore në qarkullimin e gjakut, të cilat i çojnë ato në tru.

Tek minjtë, studiuesit zbuluan se neuronet treguan ndryshime metabolike që sugjerojnë se ekspozimi ndaj tymit të zjarrit mund të shtojë barrën e dëmtimeve të lidhura me plakjen, megjithëse kërkimet mbi kafshët nuk prodhojnë gjithmonë të njëjtat rezultate te njerëzit.

"Duket sikur ka një ndarje të pengesës së gjakut në tru që është e lehtë, por gjithsesi shkakton një përgjigje nga qelizat mbrojtëse në tru astrocitet dhe mikroglia për ta mbuluar atë dhe për të mbrojtur pjesën tjetër të trurit nga faktorët në gjak”, tha Campen./Motilokal.com