Në një kohë që bota po përballet me ndryshimet klimatike, udhëtarët po përpiqen gjithnjë e më shumë të gjejnë mënyra më ekologjike për të lëvizur. Megjithatë, derisa këto alternativa të bëhen reale, transporti hekurudhor i shpejtë po shihet si zgjidhja më efektive, por edhe më e preferuar e udhëtarëve.

Që nga vitet 1980, qindra miliarda dollarë janë investuar për hekurudhat dhe trenat me shpejtësi të lartë. Në dekadën e fundit, Kina është bërë lideri i padiskutueshëm botëror, duke ndërtuar një rrjet hekurudhor prej 38 000 kilometrash që arrin pothuajse në çdo cep të vendit. Spanja, Gjermania, Italia, Belgjika dhe Anglia, po zgjerojnë sakaq edhe më shumë rrjetin e tyre. Në vitin 2018, Afrika realizoi hekurudhën e saj të parë me shpejtësi të lartë, me hapjen e linjës Al Boraq – Marok.

CNN Travel ka renditur vendet ku mund të udhëtoni me trenat më të shpejtë në botë, në vitin 2022.

1. Shanghai Maglev - 460 km/orë (Kinë)

Treni publik më i shpejtë në botë është gjithashtu unik, është e vetmja lidhje në botë që aktualisht transporton pasagjerë duke përdorur levitacion magnetik (Maglev) në vend të rrotave konvencionale të çelikut në shina çeliku.

Duke lidhur aeroportin Pudong të Shangait me stacionin e rrugës Longyang në qendër të qytetit, ai ka një shpejtësi maksimale komerciale prej 460 km/orë, duke përfunduar udhëtimin 30 kilometra në vetëm shtatë minuta e gjysmë.

Bazuar në teknologjinë gjermane, trenat Maglev fluturojnë përgjatë një binar të ngritur, magnetet e fuqishëm ofrojnë një udhëtim super të qetë.

Duke përdorur përvojën e fituar nga më shumë se një dekadë funksionimi të rregullt, Kina tani ka zhvilluar trenat e saj Maglev me shpejtësi 600 km/orë dhe ka plane ambicioze për një rrjet Maglevs, duke përfshirë një linjë midis Shangait dhe Hangzhou.

2. CR400 'Fuxing' - 350 km/orë (Kinë)

Përveçse mburret me rrjetin më të gjatë të linjave të shpejtësisë së lartë në botë, Kina tani ka trenat më të shpejtë në planet.

Trenat CR400 "Fuxing" udhëtojnë me një maksimum prej 350 km/orë, por kanë arritur me sukses edhe shpejtësinë 420 km/orë, gjatë një prove.

Modelet më të shpejta CR400 janë vendosur aktualisht në linjat kryesore Pekin-Shanghai-Hong Kong dhe Pekin-Harbin.

3. ICE3 - 330 km/orë (Gjermani)

Të njohur si "White Worms", Intercity-Express në Gjermani, kanë një shpejtësi prej 300 km/orë, por janë të autorizuar të arrijnë deri në 330 km/orë.

Flota ICE3 operon në të gjithë Gjermaninë dhe përfshin trena për linja ndërkombëtare, që lidhin qytetet kryesore gjermane me Parisin, Amsterdamin dhe Brukselin.

Dizajni përbën gjithashtu bazën e familjes së trenave të shpejtësisë së lartë Siemens "Velaro", e cila është shitur në Spanjë, Rusi, Turqi, Kinë dhe Eurostar për trenat e saj ndërkombëtarë të gjeneratës së dytë.

4. TGV - 320 km/orë (Francë)

Franca është mbajtësja për një kohë të gjatë e rekordit botëror të shpejtësisë për trenat konvencionalë, i vendosur në një shpejtësi mahnitëse 574.8 kilometra në orë më 3 prill 2007.

Grande Vitesse: Rrjeti evropian i shpejtësisë së lartë, ka linja që udhëtojnë nga Parisi në Lion, Marsejë, Bordo, Strasburg, Bruksel dhe Londër me trena që lëvizin deri në 320 km/orë në disa rrugë.

5. JR East E5 - 320 km/orë (Japoni)

Trenat Shinkansen të Japonisë, e njohën botën me udhëtimin modern hekurudhor me shpejtësi të lartë. Shumica e Shinkansen, aktualisht, operojnë me një maksimum prej 300 km/orë, por disa arrijnë edhe 320 km/ orë. 

6. 'Al Boraq' 320 km/orë (Marok)

Hekurudha e parë dhe deri tani e vetmja, e dedikuar për shpejtësi të lartë në Afrikë u hap në nëntor 2018, duke lidhur qytetin port të Tangierit me Kazablankën në Marok.

I quajtur 'Al-Boraq' sipas një krijese mitike që bartte profetët islamikë, shërbimi është faza e parë e rrjetit të planifikuar të vendit prej 1500 kilometrash me shpejtësi të lartë.

Projekti prej 2 miliardë dollarësh përfshinte gjithashtu një përmirësim të seksionit ekzistues prej 137 kilometrash midis Rabatit dhe Kazablankës për shpejtësi më të larta, duke reduktuar kohën e udhëtimit nga 4 orë 45 minuta në vetëm 2 orë 10 minuta.

Pasi të ndërtohet linja e re e propozuar për në Kazablanka koha e udhëtimit do të shkurtohet në vetëm 90 minuta.

7. AVE S-103 - 310 km/orë (Spanjë)

Alta Velocidad Spanjë, zakonisht operon me një maksimum prej 310 km/orë, por në korrik 2006 theu rekordin spanjoll të shpejtësisë hekurudhore me 404 km/orë.

8. KTX - 305 km/orë (Koreja e Jugut)

Që nga viti 2004, Koreja e Jugut ka zgjeruar me shpejtësi rrjetin e saj të hekurudhave me shpejtësi të lartë, duke anashkaluar linjat klasike ku terreni i vështirë i bënte udhëtimet të ngadalta dhe jo konkurruese.

Duke filluar me itinerarin Seul-Busan në 2004, trenat KTX të Koresë së Jugut mund të funksionojnë deri në 330 km/orë. Bazuar në teknologjinë franceze TGV, ata kanë përgjysmuar kohën e udhëtimit Seul-Busan nga katër orë në vetëm dy orë e 15 minuta.

9. Trenitalia ETR1000 -- 300 km/orë (Itali)

Trenat me shpejtësi të lartë Frecciarossa të Hekurudhave Shtetërore Italiane, janë të autorizuar për një shpejtësi maksimale prej 360 km/orë.

10. Hekurudha me shpejtësi të lartë Haramain - 300 km/orë (Arabia Saudite)

Hekurudha me shpejtësi të lartë Haramain e Arabisë Saudite, lidh qytetet e shenjta të Mekës dhe Medinës me shpejtësi deri në 300 km/orë, me trena që përballojnë rërën dhe temperaturën e shkretëtirës./Motilokal.com