Ferma me erë Golden Plains është planifikuar të ketë 215 turbina dhe të prodhojë energji elektrike të mjaftueshme për 765,000 shtëpi. Ndërtimi do të fillojë vitin e ardhshëm në shtetin australian të Victorias. Projekti i udhëhequr nga WestWind Energy ka një vlerë prej 1.28 miliardë eurove.

Ferma me erë Golden Plains do të mbulojë 167 kilometra katrorë dhe do të reduktojë emetimet e dioksidit të karbonit me rreth 4.8 milion ton në vit. Sipas projektit që ka marrë lejen përfundimtare të planifikimit, lartësia maksimale e turbinave me erë është 230 metra, dhe diametri i rotorit të turbinës është rritur nga 150 në 165 metra që ishte planifikuar fillimisht.

Vendndodhja është në Rokewood, 130 kilometra në perëndim të Melburnit, dhe ferma e erës do të fillojë të ndërtohet në mesin e vitit të ardhshëm.

Ministri i Planifikimit të Victorias, Richard Wynne miratoi lejet e planifikimit për projekt propozimin përfundimtar dhe pas vitesh përgatitjeje, Golden Plains po hyn në fazën e ndërtimit.

Miratimi përfundimtar vjen pas një beteje të gjatë ligjore me fermerët vendas, të cilët kërkuan uljen e numrit të turbinave në 185, me pretendimin se do të rrezikonte habitatin e popullatës së brolgave, një lloj shpendi që banon në këtë zonë.

Vërejtjet dhe ndryshimet në projekt kishin të bënin me mbrojtjen e popullatës së brolgave. Për të siguruar një terren të ri mbarështues për brolgas dhe për të përmbushur kërkesën për të arritur zero ndikim neto në popullatën e zogjve, zgjedhja e vendndodhjeve nënkupton një kërkim të gjatë dhe të detajuar, i cili është i vështirë për t'u përfunduar brenda kornizës kohore të caktuar, sipas ndryshimeve të lejes së planifikimit.

Ndaj kritikët kërkuan ndryshimin e kushteve përkatëse të lejes dhe mundësimin e një procesi më të gjatë dhe më të detajuar kërkimor për gjetjen e vendndodhjeve më të përshtatshme, gjë që u miratua nga ministri.

Sipas planit të projektit, WestWind do të paguajë të paktën 1000 dollarë australianë në vit për banorët që jetojnë brenda një rrezeje prej 3.2 kilometrash. Sepse, siç tha kompania, të gjitha projektet e mëdha të infrastrukturës kanë njëfarë ndikimi në komunitetet lokale. Ai shtoi se ndikimi i mundshëm i fermës me erë në trashëgiminë kulturore aborigjene do të vlerësohej dhe menaxhohej përmes një ndryshimi në planet e projektit të Golden Plains.

Energjia e erës në Victoria

Victoria, shteti australian më i vogël, por me popullsinë më të dendur, ka vendosur një objektiv për të përgjysmuar emetimet e gaztave serrë deri në fund të vitit 2030, nga nivelet e vitit 2005. Të gjitha operacionet e qeverisë, duke përfshirë metronë, shkollat dhe spitalet, parashikohen të kalojnë në burimet e rinovueshme të energjisë deri në vitin 2025.

Industria e erës mori një nxitje prej 40 milion dollarë australianë nga qeveria e shtetit për të zhvilluar tre ferma të mëdha me erë në det të hapur në brigjet e Gippsland.

Më i madhi është Ylli i Jugut 2.2 GW. Prodhimi i tij do të ishte i barabartë me konsumin e energjisë elektrike të 1.8 milion shtëpive. Vlera e vlerësuar është midis 8 dhe 10 miliardë dollarëve. Ferma e erës është projektuar për të përfituar nga erërat e forta në ngushticën e Bass.

Shteti i Viktorias ndau fonde për zhvillimin e dy fermave të tjera me erë prej 1 GW dhe 1.5 GW, gjithashtu në brigjet juglindore të Australisë./Motilokal.com