Robotët mund të bëhen kujdestarët kryesorë në të ardhmen falë zhvillimit të vazhdueshëm të teknologjisë së krijuar për të përmirësuar cilësinë e jetës së popullatës së moshuar, si dhe personave me aftësi të kufizuara fizike.

Një shembull i një projekti të madh vjen nga Universiteti Cornell, dhe pas tij qëndron shkencëtari Tapomayukh Bhattacharjee. Ai po zhvillon një krah robotik që do të ndihmojë në ushqimin e njerëzve me lëndime kurrizore.

Shkencëtari beson se robotët kanë potencialin për të transformuar kujdesin ndaj pacientit, si dhe ushqimi është një nga fushat kryesore ku ata mund të ndihmojnë.

Një grant prej 1.5 milion dollarësh u miratua së fundmi për të lejuar EmPRISE Lab, të udhëhequr nga Bhattacharjee, të vazhdojë punën e tij dhe të zhvillojë zgjidhje për njerëzit me aftësi të kufizuara fizike.

Ushqyerja është një nga aktivitetet më themelore. Imagjinoni t'i kërkoni dikujt tjetër t'ju ushqejë çdo ditë. Kjo ju heq plotësisht ndjenjën e pavarësisë. Nëse zgjidhim sfidën e të ushqyerit dhe njeriu e pranon robotin si pjesë të trupit të tij, atëherë ai do të ndihet shumë më i pavarur. Jam shumë i motivuar për ta zgjidhur këtë”, tha shkencëtari.

Së bashku me bashkëpunëtorët e tij, ai po zhvillon algoritme që do t'u mundësojnë duarve robotike të ushqejnë njerëzit në mënyrë të sigurt, veçanërisht në rastin kur ata nuk mund të lëvizin dhe të marrin ushqim nga krahu robotik. Me kalimin e kohës, këta robotë mund të "mësojnë" për pacientët dhe të bëjnë punën e tyre më lehtë.

Në vitin 2019, në Universitetin e Harvardit u zhvillua një krah robotik që është aq i butë dhe i saktë sa mund të prekë një kandil deti në ujë pa shkaktuar ndonjë dëm.

Gjithashtu, Toyota ka zhvilluar një robot që “varet” nga tavani dhe bën punët e shtëpisë në vend të të moshuarve, por ai robot është ende shumë larg prodhimit./Motilokal.com