Rritja e ndjeshme e çmimit të naftës dhe avancimi i teknologjisë ka bërë që blerjet e automjeteve elektrike të rriten ndjeshëm gjatë kohëve të fundit.

Siç shkruan Daily Mail të ardhurat e qeverisë britanike nga mbledhja e taksës së karburantit po reduktohen ndjeshëm për shkak të shtimit të automjeteve elektrike. Për këtë arsye, qeveria po tenton të gjejë mënyra të reja për të rritur të ardhurat, një prej të cilave është edhe tarifimi i drejtuesve të automjeteve për kilometra të kryera.

Autoritetet britanike parashikojnë se veturat elektrike do të përbëjnë 59% të shitjeve të të gjitha automjeteve deri në vitin 2026. Për këtë arsye, parashikohet që të ardhurat nga taksa e karburantit në Mbretërinë e Bashkuar të bien me 1.4 miliard paund.

Fitimet e efikasitetit në automjetet me lëndë djegëse fosile dhe kalimi në hibride kishin ndikuar tashmë në arkëtimet e taksave, por kalimi te automjetet elektrike "duket se po përparon më shpejt nga sa kishim parashikuar".

"Kostoja më e madhe fiskale afatgjatë e dekarbonizimit të suksesshëm është humbja e të ardhurave nga taksat e automobilave pasi stoku i automjeteve kalon nga automjetet me benzinë dhe motorë nafte në automjetet elektrike me bateri (EV), të cilat nuk paguajnë tarifë karburanti ose akciza e automjetit.

“Në vitin 2021, 11.6 për qind e veturave të shitura ishin EV krahasuar me parashikimin tonë të tetorit 2021 prej 9.5 për qind, pasi pjesa u rrit në muajt e fundit të vitit. Dhe pjesa e EV-ve në totalin e shitjeve të veturave na ka befasuar vazhdimisht në rritje gjatë viteve të fundit”, thuhet në njoftim./Motilokal.com