Një ari i egër është shfaqur në rrugët e Karolinës së Veriut. Pamjet janë bërë virale, ndërsa shihet se ariu di t’i respektojë mirë rregullat.
Për të kaluar rrugën, kujdeset të jetë të vijat e bardha dhe shikon mirë në të dyja anët përpara se të kalojë.
Pamjet janë shpërndarë në Facebook nga Departamenti i Policisë Asheville. Ariu ishte duke ecur nëpër zonën e qendrës së qytetit të enjten, më 21 prill, ndërsa dëshmitarët thirrën policinë.
“Ariu i zi, dukej se donte një ditë në park, ku shumë njerëz po shijonin ditën e tyre në qendër të qytetit,” shkroi departamenti i policisë në postim.
Në një moment, ariu shikoi me kujdes përpara se të hynte në vendkalimin e këmbësorëve dhe të kalonte pranë hapësirës së shitjes me pakicë, tregon pamja.
Departamenti i Policisë në Asheville vuri në dukje se ndërsa vlerësonte natyrën “e bindjes së ligjit” të ariut “ishte e rëndësishme që ariu të kthehej në një zonë të pyllëzuar për siguri”./Motilokal.com
