E ardhmja e udhëtimeve për pushime mund të jetë shumë shpejt ajo ku njerëzit do të zgjohen në një dhomë hoteli elegante me pamje nga sistemi diellor.

Kjo do të ndodhë nëse kompania hapësinore Orbital Assembly avancon me projektin e saj, shkruan CNN, duke publikuar dhe fotot nga projekti ambicioz se si do të duken këto ‘hotele’ në hapësirë.

Kompania me bazë në SHBA ka zbuluar informacione dhe koncepte të reja për idenë e saj të hoteleve hapësinore, dizajnët për të cilat kanë punuar që nga viti 2019.

Projekti tani po mbikëqyret nga Orbital Assembly Corporation, një kompani ndërtimi hapësinore.

Orbital Assembly synon të ketë jo një, por dy stacione hapësinore me akomodim turistik: Stacioni Voyager, që është planifikuar të strehojë 400 persona dhe të hapet në vitin 2027, ndërsa koncepti i ri Station Pioneer, që strehon 28 persona, mund të jetë funksional brenda tre viteve të ardhshme.

Qëllimi, thotë Orbital Assembly, është të drejtojë një “biznesi” hapësinor me shtëpi, zyra si dhe ambientet për turistët.

Turizmi hapësinor duket më afër se kurrë më parë. Por ka ende një çmim mjaft të lartë për çdo udhëtim në hapësirë, gjë që e bën të vështirë për shumë prej nesh që të parashikojnë pushimet vjetore jashtë botës ku jetojmë.

Tim Alatorre, shefi operativ i Orbital Assembly, mendon se kjo pengesë do të hiqet ndërsa turizmi hapësinor do të avancojë./Motilokal.com